Ein Stori

Gwreiddiau Cymreig, Gwênau Modern

Sefydlwyd Deintyddfa Glandwr tua 1980 ond fe’i prynwyd gan Dylan Parry-Jones yn 2015. Deintydd lleol a fagwyd yng Nghaernarfon, gyda chysylltiadau agos â’r Llyn. Cafodd Dylan ei gymhwyso yng Nghaerdydd yn 2006 ac fe ddychwelodd i’r gogledd yn 2011. Ers cymhwyso, mae wedi bod yn datblygu ei sgiliau deintyddol, yn enwedig ym maes adferol, ac erbyn hyn mae’n cynnig trawsnewidiadau llwyr i wên yn ogystal â deintyddiaeth gyffredinol. Mae’n credu bod deintyddiaeth foesegol dda, boddhad cleifion, a gweithle hapus yn allweddol.

Oherwydd cynnydd yn y galw, penderfynodd Dylan agor ail feddygfa ddeintyddol a fyddai’n fwy preifat/ac wedi’i chanolbwyntio ar ofal cosmetig, ac felly ym mis Chwefror 2018 agorodd ein cangen ym Mhwllheli.

Er mwyn bod mor hyblyg â phosib gyda’n cleifion, rydym yn cynnig apwyntiadau ar benwythnosau ac gyda’r nos. Rydym hefyd yn cynnig dulliau o gynllunio’ch anghenion deintyddol; Plan4health, gwasanaeth taliadau misol, a chyllid 0% dros 12 mis.

Rydym yn cynnig gwasanaethau deintyddol mwy arbenigol, yn amrywio o sedation i endodontics (llenwadau sianel wraidd). Os ydych yn chwilio am feddygfa gyfeillgar, agos-atoch ac sy’n siarad Cymraeg, sydd yn gallu cynnig ystod eang o ddeintyddiaeth o ansawdd uchel – dewch i ymweld ag un o’n practisiau!

Rydym yn angerddol am bwysigrwydd fflosio fel rhan o’ch trefn iechyd geneuol dyddiol. Gallwch siopa am ystod o frwshys rhyngddannedd ar-lein heddiw gyda TePe Direct. Defnyddiwch ein cod “TEPE2U024” i gael 5% i ffwrdd!